teksten

Hier vind je de teksten van de liedjes van Martijje van het album 'Zicht' (2020). Binnenkort ook de teksten van het album 'Evenwicht' (2015). De teksten van 'Drezz' (2009) zijn te vinden in het cd-boekje. De teksten van alle kinderliedjes zijn te vinden op wiesneus.nl

Album Zicht

De teksten van de liedjes op het album 'Zicht' vind je hier.

Deur Mien Ogen

tekst&muziek: M Lubbers

Langs beekies en langs bossen
Witte wieven boven ’t ven
Ik neem je met mij met
Ik neem je overal met hen
Ik laot je zien hoe mooi of het hier is

Langs dreumerige dörpies
De akkers op de es
Langs hunebed en highway
Of een onbekend adres
Ik laot je zien hoe schier of het hier is

De stilte vol met kleuren en oetzicht waoraj kiekt
Dit laand is zo biezunder, zo robuust en authentiek

Kom en kiek met mij, ‘k laot je ’t zien deur mien ogen
Kom en kiek met mij, ik vertel je wat ik zie
Drenthe op zien mooist, veur gienien meer verbörgen
Aj deur mien ogen kiekt, dan vuul jij ok de magie

Langs wetenschap en wereld
Geschiedenis zo riek
Langs al die olde schatten
En langs neie dynamiek
Ik laot je zien hoe veul of der hier is

Het stoefzaand weit al wieder
En alles giet veurbij
Maor dizze mooie wereld
Blef altied hier bij mij
Ik laot je zien hoe blievend het hier is.

De stilte vol met kleuren en oetzicht waoraj kiekt
Dit laand is zo biezunder, zo robuust en authentiek

Nuum Mien Naom

tekst&muziek: M Lubbers

As het lang leden is,
maor nog niet over is
Umdat der zoveul is gebeurd

A’w hiele stukken toen
Nog kunden overdoen
Wat was de toekomst dan aans kleurd.

Maor aj mien letters spelt
Dan vuul ik het nog wel
As je ze langzaom zeggen wilt

Ik krieg betiekenis
De tied die ik heb mist
Je woorden maokt dan het verschil

Nuum mien naom
Nuum mien naom
As elkenien hum is vergeten
Gienien der van wil weten
Nuum jij hum dan
Nuum jij mien naom

As ik het niet meer weet
As alles is vergeten
Help jij dan met um ’t weer te zien

Pak jij me bij de haand
En vörm je mien verstaand
Wees je mien wezen bovendien

Het huuft niet elke dag
Ok af en toe dat mag
Maor weet wel dat ik der op reken

Mien elke letter wel
En praot niet al te snel
Maor leg een zachte, warme deken

Nuum mien naom
Nuum mien naom
As elkenien hum is vergeten
Gienien der van wil weten
Nuum jij hum dan
Nuum jij mien naom

Vort Van De Wereld

tekst: M. Lubbers , muziek: M Lubbers & S Demydczuk

Hier in het hoge gras
Waor ooit een heuvel was
Ligt ze nog zied an zied

Heur scholders draogt het
De bomen fluustert het
Alle verhaolen oet de tied

Waor aodem stillig lek
Keus de natuur heur plek
En in de verte lonkt de horizon

Vuul die magie van stien
Dwars deur de ieuwen hen
Met op- en undergaonde zun

Kom maor hier en wees vort van de wereld

Kom maor hier, raok de draod maor evenpies kwiet

Kom maor hier en kiek wieder as daj kieken kunt

Verlies jezölf maor evenpies in de tied

Vuul je niet opjaogd

Beleef de dag vertraogd

En stao maor hiel evenpies stil

Gien waon van alledag

Hier weden umdat het mag

En lucht je hart maor aj dat wilt

Kom maor hier en wees vort van de wereld

Kom maor hier, raok de draod maor evenpies kwiet

Kom maor hier en kiek wieder as daj kieken kunt

Verlies jezölf maor evenpies in de tied

Dit is de plek waoras je wezen wilt

Hier huuf je nargens meer naortoe

Hier is het echt en gien vertiekend beeld

Hier is het alle daogen goed

Waorum Bin Ik Dan Hier

tekst&muziek: M Lubbers

Argens wus ik wel beter
Dat het kun veur gien meter
Sleug ik af, dan wol jij rechtdeur

Van ’t begun he’k wel deurhad
Dat het nooit echt een kaans had
Te verschillend veur rozegeur

Elkenien had al waorschouwd
Dat zu’n liefde nooit standhold
En dat het zo echt beter is

Maor elke keer da’k je weerzie
Raok ik aal weer de weg kwiet
O, hoe kan ‘t toch dat ik je mis

Waorum wil ik dan bij je weden
Waorum bin ik dan hier
Waorum wil ik dan bij je weden
Waorum bin ik dan hier

Ook al heb we een streep zet
Ik vuul dat ik je liefheb
En dat ik zo geern bij je ben

En nou stao ik hier veur je
Hulpeloos en verleuren
Hoe kan ik nou ooit um je hen

Refrein

Vanaf de eerste keer
Lek het aal maor weer
Of de bliksem bij mij inslat
Waorum lao’k je niet gaon?

Refrein

Weten Wat Je Wilt

tekst&muziek: M Lubbers

Bi'j nog maor jong, dan is het al mis
Je moet een keuze maoken al weej niet waorveur het is
Elke dag opnei, kies je veur je pad
Soms is het al al lang gebeurd veurdaj je der arg in hadden

Weten wat je wilt, weten wat je wilt
Je moet altied weten wat je wilt
Weten wat je wilt, weten ok waorhen
Je moet altied weten wat je wilt
Stilstaon is gien optie, je moet weten wat je wilt.

Langzaom wordt het slimmer, de jaoren vliegt veurbij
Elke keer moej weten wat is het best veur mij
Altied goede keuzes, nooit een stap opzied
Je moet deur met je leven want knooien kan ja niet.

Weten wat je wilt, weten wat je wilt
Je moet altied weten wat je wilt
Weten wat je wilt, weten ok waorhen
Je moet altied weten wat je wilt
Stilstaon is gien optie, je moet weten wat je wilt.

Solo

Weten wat je wilt, weten wat je wilt
Je moet altied weten wat je wilt
Weten wat je wilt, weten ok waorhen
Je moet altied weten wat je wilt
Stilstaon is gien optie, je moet weten wat je wilt.

Maor ik trap nou op de rem
En vergeet wat iederien zee
Ik wil hangen in het niks, gien doel veur ogen, niks gien plannen en hielemaol gien idee.

De wind in de rug, de zun op de kop,
's Aovends laot hen bedde, ‘s mörgens laot weer op
Kieken wat er komp, zölf niet an het stuur
Leven bij de week, bij de dag of bij het uur.

Refrein

Zicht

tekst&muziek: M Lubbers

Midden in een kolde nacht
Snei valt zachies tegen het raom
Gieniene hier die het kold hef
Want jij ligt dicht tegen mij an

Kun wij hier nog evenpies blieven?
Veurdat de mörgen komp
Een neie dag is in zicht, maor wacht even
Want nou…
heb ik zicht op jou

De wereld dreit maor um heur as
Sterren staon daor maor te staon
Ik denk t’rug an hoe of’t gustern was
En ik raok je evenpies an

Kun wij hier nog evenpies blieven?
Veurdat de mörgen komp
Een neie dag is in zicht, maor wacht even
Want nou…
heb ik zicht op jou

As het waoter an de lippen stiet
Valt der eulie op het vuur
Kan ik dan weer bij je weden
In je arms hier op dit uur

Kun wij hier nog hiel lang blieven?
Veurdat de mörgen komp
Een neie dag is in zicht, maor wacht even
Want nou…
heb ik zicht op jou
Heb ik zicht op jou
Heb ik zicht op jou

Let Goed Op Dan Ziej De Liefde Wel

tekst&muziek: M Lubbers, gebaseerd op het boek 100x Kunst Op Zien Drents. 30 woorden van kunstwerken zijn in dit liedje verwerkt. De betreffende woorden zijn schuingedrukt.

Aj goed kiekt, kuj het zien

Aj goed luustert bovendien

In elk beeld, in elk verhaol

Let goed op, dan ziej de liefde wel

Let goed op, dan ziej de liefde wel

Zie het in ‘t wichie en oma

Die steevast gaot bakken elk jaor

maor eerst evenpies slik, sukkelao en wat prik

Het kniepertiezer stiet klaor

Zie het in ’t peerd bij de barken

‘t Is tweeduuster en het wordt kold

De boer haolt hum op, gef hum zachies een kloppie

Intied dat e de zende vastholdt

Refrein

Zie het in ’t volk op het dörpsfeest